Душанба-Жума: 09:00-18:00
   Ишонч телефони: (0-436)-224-56-32, Регламентни юклаш, info@ndd.uz

Дори воситаларини давлат рўйхатидан ўтказиш самарадорлигини ошириш ва аҳолини улар билан таъминлашни яхшилаш чора-тадбирлари тўғрисида

 

Ўзбекистон Республикаси Президентининг
ф а р м о н и
Сўнгги йилларда соғлиқни сақлашнинг ва фармацевтика тармоғини бошқаришнинг янги тизимини шакллантиришга қаратилган бир қатор чора-тадбирлар амалга оширилди. Мамлакат аҳолисини сифатли дори воситалари ва тиббиёт буюмлари билан таъминлаш Ўзбекистон Республикаси соғлиқни сақлаш тизимини ривожлантиришнинг асосий йўналишларидан бири ҳисобланади.
Шу билан бирга, олиб борилаётган ислоҳотларни амалга оширишга, кўрсатилаётган тиббий ёрдам сифатини ва аҳоли соғлиғининг кўрсаткичларини оширишга тўсқинлик қилаётган муайян муаммолар ҳанузгача ҳал қилинмасдан қолмоқда.
Хусусан, дори воситаларини, жумладан, уларни ишлаб чиқариш ва қўллашга юқори талаблар қўйилган мамлакатларда тайёрланган дори воситаларини давлат рўйхатидан ўтказиш тизими ҳаддан ташқари мураккаблигича қолмоқда, бу эса самарасиз дори воситаларининг олиб кирилишига сабаб бўлмоқда.
Мамлакатда ижтимоий дорихоналарнинг кенг тармоғини яратиш, шунингдек, фармацевтика бозорида давлат харидлари механизмларини такомиллаштириш ва шаффоф рақобатни ўрнатиш зарурати ижтимоий аҳамиятга эга дори воситалари ва тиббиёт буюмларини қатъий нархларда сотиш тартибини қайта кўриб чиқишни тақозо этмоқда.
Фармацевтика тармоғини ривожлантириш учун шарт-шароитларни яхшилаш, сифатли дори воситаларидан фойдаланиш имкониятларини кенгайтириш ва Ўзбекистон фармацевтика бозорининг инвестициявий жозибадорлигини ошириш мақсадида:
1. Ўзбекистон Республикаси Соғлиқни сақлаш вазирлиги ва Ўзбекистон Республикаси Президенти ҳузуридаги Лойиҳа бошқаруви миллий агентлигининг:
ижтимоий аҳамиятга эга дори воситалари ва тиббиёт буюмларини қатъий нархларда сотиш тўғрисидаги талабни бекор қилиш;
давлат рўйхатидан ўтказиш учун юқори тартибга солувчи талаблар қўйилган мамлакатларда амалга оширилган, дори воситаларини, жумладан, дори моддалари (субстанциялар) ва дори препаратлари (кейинги ўринларда дори воситалари деб аталади)ни давлат рўйхатидан ўтказиш натижаларини тан олиш тартибини 2018 йил 1 августдан жорий этиш тўғрисидаги таклифлари маъқуллансин.
2. Белгилаб қўйилсинки:
а) ижтимоий дорихоналар томонидан ижтимоий аҳамиятга эга дори воситалари ва тиббиёт буюмларини сотиш уларнинг сотиб олиш қиймати ёки улгуржи нархига 10 фоиз чекланган савдо устамаси қўлланилган ҳолда амалга оширилади;
б) юқори тартибга солувчи талаблар қўйилган мамлакатларда рўйхатдан ўтказилган дори воситаларини рўйхатдан ўтказиш натижаларини тан олиш:
хавфсизлиги, сифати ва самарадорлиги бўйича шубҳа уйғотмайдиган дори воситаларини давлат рўйхатидан ўтказиш учун масъул бўлган хорижий давлатларнинг ваколатли органлари ва халқаро ташкилотларни табақалаштириш асосида;
давлат рўйхатидан ўтказиш натижалари Ўзбекистон Республикасида тан олинадиган дори воситаларини юқори тартибга солувчи талаблар қўйилган мамлакатларнинг тиббиёт амалиётида қўллашга рухсат этилган тақдирда амалга оширилади;
в) мазкур Фармоннинг 1-банди учинчи хатбошисида назарда тутилган тартиб қўлланиладиган дори воситалари ушбу воситаларнинг хавфсизлиги, сифати ва самарадорлигини аниқлаш мақсадида Ўзбекистон Республикаси ҳудудида давлат рўйхатидан ўтказилишида экспертиза қилинмайди.
3. Ўзбекистон Республикаси Президентининг 2017 йил 7 ноябрдаги “Фармацевтика тармоғини бошқариш тизимини тубдан такомиллаштириш чора-тадбирлари тўғрисида”ги ПФ–5229-сон Фармонининг 11-банди ўз кучини йўқотган деб ҳисоблансин.
4. Ўзбекистон Республикаси Соғлиқни сақлаш вазирлиги:
а) илғор халқаро амалиётни ўрганиш асосида бир ой муддатда асосий касалликларнинг диагностика ва даволаш стандартлари, клиник протоколлари қайта кўриб чиқилишини ҳамда ҳар чоракда Ижтимоий аҳамиятга эга дори воситалари ва тиббиёт буюмларининг рўйхати қайта кўриб чиқилишини таъминласин;
б) Ўзбекистон Республикаси Президенти ҳузуридаги Лойиҳа бошқаруви миллий агентлиги билан биргаликда 2018 йил 20 июлга қадар муддатда танқидий ўрганиш ўтказиб:
юқори тартибга солувчи талаблар қўйилган мамлакатларда амалга оширилган, дори воситаларини давлат рўйхатидан ўтказиш натижаларини тан олиш тартибини белгилаш;
дори воситаларининг божхона расмийлаштирувига, давлат рўйхатидан ўтказилиши ва реализация қилинишига талабларни такомиллаштириш, шунингдек, фармацевтика фаолиятини тартибга солувчи бошқа масалалар бўйича таклифлар киритсин;
в) Бош прокуратура ва Ўзбекистон Республикаси Президенти ҳузуридаги Лойиҳа бошқаруви миллий агентлиги билан биргаликда 2018 йил 1 декабрга қадар муддатда мамлакатда рўйхатдан ўтказилган дори воситаларини юқори тартибга солувчи талаблар қўйилган мамлакатларда қўллашга тақиқ мавжудлиги нуқтаи назаридан инвентаризация қилсин, бундай тақиқларни жорий этишнинг сабаб ва шарт-шароитларини ўргансин ҳамда Ўзбекистон Республикаси ҳудудида улар келгусида қўлланилишининг мақсадга мувофиқлиги тўғрисида таклифлар киритсин.
5. Ўзбекистон Республикаси Президенти ҳузуридаги Лойиҳа бошқаруви миллий агентлиги 2018 йил 20 июлга қадар муддатда:
дори воситаларини давлат рўйхатидан ўтказиш натижалари Ўзбекистон Республикасида тан олинадиган мамлакатлар ва халқаро ташкилотлар рўйхатини тасдиқлаш учун;
қонун ҳужжатларига мазкур Фармондан келиб чиқадиган ўзгартиш
ва қўшимчалар тўғрисидаги таклифларни киритсин.
6. Мазкур Фармоннинг ижросини назорат қилиш Ўзбекистон Республикасининг Бош вазири А.Н.Арипов, Ўзбекистон Республикаси Президенти ҳузуридаги Лойиҳа бошқаруви миллий агентлиги директори Ш.М.Садиков, Ўзбекистон Республикасининг Бош прокурори О.Б.Муродов ва Ўзбекистон Республикаси соғлиқни сақлаш вазири А.К.Шадманов зиммасига юклансин.
                                   Ўзбекистон Республикаси Президенти                               Ш.МИРЗИЁЕВ
манба: uza.uz

1- Июнь “Ҳалқаро болаларни ҳимоя қилиш куни"

        «Навоий Дори-Дармон” акциядорлик  жамияти   “Ишонч” маҳалласи худудида жойлашган. Ўтказиладиган тадбирлар, семинарлар ҳамкорликда олиб борилади .  “Ҳалқаро болаларни  ҳимоя қилиш куни” га  бағишланган  тадбирни  2018 йил 31 май  куни  биргаликда маҳалла  гўзарида  ўтказилди. Маҳаллада истиқомат қилувчи ногирон, кам таъминланган,ёлғиз оналарнинг фарзандлари таклиф этилди.Жажжи  болажонларга  совғалар  улашилди ( тиш пастаси ва чўткаси , қалам, краска, расм дафтар ,буяйш  дафтари, китобча, ширинлик ва музқаймоқлар)

         Йиғилишда  “Ишонч” МФЙ  раиси  Ғайрат Шерназаров , хотин қизлар қўмитаси раиси Матлюба  Полвонова , маҳалла маслаҳатчиси Феруза Хасановалар  сўзга  чиқиб  байрам  муносабати  билан табриклади .

Шифокор  Осиё Нормуродова   болаларга соғлом турмуш тарзи ҳамда шахсий гигиена бўйича маъруза  қилди .

  

Дунёда  болажонлар кулгисию шўх-шодон қийқириғиданда

беғубор нарса бўлмаса керак.

Фарзанд бор экан ,одамзод  ҳамиша келажакни  ўйлаб ,

эзгу орзу интилишлар билан  яшайди .

“Наврўз” хайрия тадбири

“Наврўз” хайрия тадбири

              “Навоий Дори-Дармон” акциядорлик жамияти 21 март “Наврўз” байрами муносабати билан ўзгалар парваришига мухтож бўлган кексалар ва ёлғиз яшайдиган кексалар ҳолидан хабар олиш  ва уларни хар томонлама қўллаб қувватлаш мақсадида Навоий шаҳри И.Каримов кўчаси 130 уй 69-хонадонда яшайдиган Шамсутдинова Равза ая ҳолидан хабар олиб байрам совғалари тақдим қилинди.

Наврўз Табриги


Хурматли Хамкасблар! “Навоий Дори Дармон” акц

иядорлик жамияти
Сизни ва Сиз орқали жамоангиз аъзоларини қадимий ва хамиша қадрли бўлган қутлуғ айём “Наврўз” умумхалқ байрами билан самимий муборакбод этаман.

Дори воситалари ва тиббиёт буюмлари ишлаб чиқариш ҳамда олиб киришни янада тартибга солиш чора-тадбирлари тўғрисида

Ўзбекистон Республикаси Президентининг қарори


Ўзбекистон Республикаси Президентининг 2017 йил 7 ноябрдаги “Фармацевтика тармоғини бошқариш тизимини тубдан такомиллаштириш чора-тадбирлари тўғрисида”ги ПФ-5229-сон Фармонига мувофиқ, шунингдек, маҳаллий фармацевтика маҳсулотларининг ишлаб чиқариш ҳажмларини кўпайтириш ва рақобатбардошлигини ошириш учун қулай шарт-шароитлар яратиш, республикага дори воситалари ва тиббиёт буюмлари олиб киришни янада тартибга солиш мақсадида:

1. Белгилаб қўйилсинки:

корхонанинг ўзи томонидан тайёрланган доривор моддалар (субстанциялар) ва бутловчи буюмлардан дори воситалари ва тиббиёт буюмларини ишлаб чиқариш тўлиқ технологик цикл бўйича дори воситалари ва тиббиёт буюмларини ишлаб чиқариш ҳисобланади;

корхонанинг ўзи томонидан тайёрланмаган доривор моддалар (субстанциялар) ва бутловчи буюмлардан дори воситалари ва тиббиёт буюмларини ишлаб чиқариш тўлиқ бўлмаган технологик цикл бўйича дори воситалари ва тиббиёт буюмларини ишлаб чиқариш ҳисобланади;

дори воситалари ёки тиббиёт буюмларини ишлаб чиқариш учун мўлжалланган, Ўзбекистон Республикаси ҳудудидан ташқарида қадоқлаш, истеъмол ўрами ва маркировка қилишдан ташқари барча технологик босқичлардан ўтган ҳар қандай қадоқланмаган дори воситаси ёки тиббиёт буюми “in bulk” маҳсулот деб эътироф этилади.

2. Белгилансинки:

дори воситалари ва тиббиёт буюмлари тўлиқ ёки тўлиқ бўлмаган технологик цикл бўйича ишлаб чиқарилган тақдирда улар маҳаллий ишлаб чиқариш маҳсулоти деб эътироф этилади;

дори воситалари ва тиббиёт буюмлари юқоридаги мезонга мувофиқ бўлмаган ёки “in bulk” маҳсулот асосида ишлаб чиқарилган ҳолларда, улар маҳаллий ишлаб чиқариш маҳсулоти деб эътироф этилмайди;

маркировка қилиш ва ўрашдан ташқари корхонанинг ўзи томонидан
барча ёки алоҳида бутловчи ва технологик қисмларни ишлаб чиқариш ёхуд маркировка қилиш ва ўрашдан ташқари бутловчи ва технологик қисмларни, шу жумладан, импорт қилинаётганларни йиғиш йўли билан ишлаб чиқариш ташкил этилган ҳолларда тиббиёт техникаси маҳаллий ишлаб чиқариш маҳсулоти деб эътироф этилади.

3. Вазирлар Маҳкамаси Ўзбекистон Республикаси Президенти ҳузуридаги Лойиҳа бошқаруви миллий агентлиги билан биргаликда бир ҳафта муддатда:

мазкур қарор қоидаларини инобатга олган ҳолда, Олий Мажлис Қонунчилик палатасига “Дори воситалари ва фармацевтика фаолияти тўғрисида”ги Ўзбекистон Республикаси Қонунига ўзгартиш ва қўшимчалар киритиш ҳақида”ги қонун лойиҳасини;

мазкур қарор талабларидан келиб чиқиб, Вазирлар Маҳкамасининг 2014 йил 22 декабрдаги 352-сон қарори билан тасдиқланган Дори воситалари ва тиббий буюмларни рўйхатдан ўтказиш ҳамда рўйхатдан ўтказилганлик гувоҳномаси бериш тартиби тўғрисидаги низомга доривор моддалар (субстанциялар) ва доривор ўсимлик хомашёсини рўйхатдан ўтказиш тартибини янада такомиллаштиришни назарда тутувчи ўзгартиш ва қўшимчаларни киритсин.

4. Ўзбекистон Республикаси Соғлиқни сақлаш вазирлиги:

2018 йил 1 февралга қадар хорижий дори воситалари ва тиббиёт буюмлари ишлаб чиқарувчиларнинг рўйхатдан ўтиш ҳужжатларига уларнинг аризасига мувофиқ йиғим ундирмаган ҳолда “in bulk” маҳсулотнинг ўрами ва маркировкаси ҳақидаги маълумотни кўрсатишга оид қисмига ўзгартириш киритилишини таъминласин;

2018 йил 1 мартга қадар дори воситалари, тиббиёт буюмлари ва тиббиёт техникаларини мазкур қарорнинг 1 ва 2-бандларида назарда тутилган мезонлар асосида маҳаллий ишлаб чиқариш маҳсулоти деб топиш нуқтаи назаридан уларни ишлаб чиқаришни технологик аудитдан ўтказсин.

5. Дори воситалари ва тиббиёт буюмларини тўлиқ ва тўлиқ бўлмаган технологик цикл бўйича, шунингдек, маҳаллий маҳсулотлар орасида муқобили бўлмаган “in bulk” маҳсулот асосида дори воситалари ва тиббиёт буюмларини ишлаб чиқарувчи корхоналарга давлат харидларида иштирок этишда хорижий ишлаб чиқарувчиларнинг худди шундай маҳсулоти қийматидан 20 фоиз миқдорида нарх преференциялари тақдим этилсин.

6. Белгилаб қўйилсинки:

2018 йил 15 апрелдан бошлаб дори воситалари ва тиббиёт буюмларининг “in bulk” маҳсулотни импорт қилишда, рўйхатдан ўтган тўлиқ ёки тўлиқ бўлмаган технологик цикл бўйича ишлаб чиқариладиган худди шундай маҳаллий маҳсулотлар мавжуд бўлган тақдирда, қўшимча қиймат солиғи бўйича имтиёзлар қўлланилмайди;

дори воситалари ва тиббиёт буюмлари ишлаб чиқарувчи корхоналарга “in bulk” маҳсулот асосида тайёрланган маҳсулотлар қисмига, рўйхатдан ўтган худди шундай маҳаллий маҳсулотлар мавжуд бўлмаган тақдирда, қўшимча қиймат солиғи бўйича имтиёзлар 2019 йил 1 январга қадар сақлаб қолинади.

7. Ўзбекистон Республикаси Соғлиқни сақлаш вазирлиги манфаатдор вазирлик ва идоралар билан биргаликда бир ой муддатда қонун ҳужжатларига мазкур қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.

8. Ўзбекистон Республикаси Бош прокуратураси Ўзбекистон Республикаси Президенти ҳузуридаги Лойиҳа бошқаруви миллий агентлиги ва Ҳисоб палатаси билан биргаликда бир ой муддатда дори воситалари ва тиббиёт буюмларининг муомаласи ва ишлаб чиқарилиши юзасидан танқидий ўрганиш ўтказсин ҳамда уларни тартибга солиш бўйича зарур чоралар кўрсин.

9. Мазкур қарорнинг ижросини назорат қилиш Ўзбекистон Республикасининг Бош вазири А.Н.Арипов ва Ўзбекистон Республикасининг Бош прокурори И.Б.Абдуллаев зиммасига юклансин.



Ўзбекистон Республикаси Президенти                                                                                          Ш.МИРЗИЁЕВ


Тошкент шаҳри, 2018 йил 23 январь                                                                                                            

                                                                                                                                                                        Манба:uza.uz

Янги йилингиз билан!

Янги йилда барча ҳайрли ишларингизда сизга омад ёр бўлсин. Қалбингиздан қувонч, дастурхонингиздан қут-барака ва оилангиздан шоду ҳуррамлик асло аримасин. Янги йил қутлуғ бўлсин!

Ижтимоий аҳамиятли дорилар импорти – тендер ва квоталарсиз

Бу Президентнинг 30.10.2017 йилдаги ПФ–5216-сон «Ўзбекистон Республикасининг айрим ҳужжатларига ўзгартириш ва қўшимчалар киритиш тўғрисида»ги фармонида кўзда тутилган.

 

Эслатиб ўтамиз, муқаддам белгиланган нархлар бўйича сотиладиган ижтимоий аҳамиятли дорилар ва тиббий маҳсулотлар импорти (Рўйхатга қаранг), Ташқи савдо вазирлиги томонидан маҳаллий улгуржи ва улгуржи-чакана савдо компаниялари ўртасида Соғлиқни сақлаш вазирлиги томонидан аниқланадиган квоталар чегарасида ўтказиладиган тендер бўйича амалга оширилар эди.

 

Энди тендер ўрнига Ташқи савдо вазирлиги ҳар чоракда фақат жаҳон нархлари конъюнктураси таҳлилини ўтказади ва махсус Республика комиссиясига[1] ижтимоий аҳамиятли дорилар ва тиббиёт буюмларининг охирги йўл қўйиладиган импорт шартнома қиймати бўйича таклифлар киритади.

 

Таклифларни ташқи савдо, иқтисодиёт, молия, соғлиқни сақлаш  вазирликлари ҳамда МБ ва Давлат рақобат қўмитасининг вакилларидан иборат Ишчи гуруҳ[2] кўриб чиқади. Ишчи гуруҳ ҳисоб-китоби асосида Республика комиссияси импорт шартномалари бўйича охирги йўл қўйиладиган қийматларни белгилайди.

 

Бу муҳим! Бундан юқори бўлган нархларда товарни етказиб бериш бўйича импорт шартномалари тузиш таъқиқланади.

 

Бундан ташқари, мазкур тоифадаги товарларни фақат маҳаллий улгуржи ва улгуржи-чакана савдо компаниялари томонидан импорт етказиб берилиши тўғрисидаги талаблар ҳамда Соғлиқни сақлаш возирлиги томонидан квоталаш мумкин эмас.

 

Бунда дорихоналарда нарх белгилаш устидан назорат Соғлиқни сақлаш возирлигининг Назорат инспекциясидан соғлиқни сақлаш бошқармаларининг ҳудудий органларига топширилган.

 

Маълумот учун: Рўйхатга киритилган импорт қилинган дори воситалари ва тиббиёт буюмлари аввалгидек, ихтисослаштирилган улгуржи ташкилотлар ва дорихоналар томонидан белгиланган улгурди ва чакана нархларда сотилади. Ушбу нархлар қуйидаги формулар бўйича аниқланади:

 

Ун = С х 1,15, бу ерда:

  • Ун – улгуржи нарх;
  • С сотиш нархи;
  • 1,15 – улгуржи савдо устама нархининг охирги йўл қўйиладиган қийматини инобатга олувчи  коэффициент.

Р = С х 1,15 x 1,2, бу ерда:

 

  • Р – қатъий белгиланган чакана нарх;
  • С сотиш нархи;
  • 1,15 ва 1,2 – савдо устама нархларини инобатга олувчи коэффициентлар.

Манба: norma.uz

Кадрлар, иш юритиш ва ижро интизоми бўйича масъул ходимларнинг малака ва кўникмаларини ошириш бўйича ўтказилган ўқув-семинари ҳақида.

Навоий давлат педогогика институтида 2017 йил 7-8 ва 11-12 сентябрь кунлари вилоят бошқарма, ташкилот ва муассасаларда кадрлар, иш юритиш ва ижро интизоми бўйича масъул ходимларнинг билим, малака ва кўникмаларини ошириш бўйича ўқув-семинар ўтказилди. Ушбу семинарда қарийб 250 га яқин иштирокчи, шу жумладан “Навоий Дори-Дармон” АЖнинг ходимлар бўлими бошлиғи ва девонхона бошлиғи қатнашди. Ўқув семинари якунида ҳар бир тингловчиларга “Маҳорат” ўқув марказининг сертификатлари тақдим этилди. 

ICTWeek Uzbekistan 2017 ташкилий қўмитаси АКТ Ҳафталигида қатнашиш учун кўнгиллиларни йиғмоқда

ICTWeek Uzbekistan 2017 ташкилий қўмитаси Facebook’даги саҳифасида АКТ Ҳафталиги тадбирларида кўнгиллилар сифатида тайёргарлик ишлари ва бевосита тадбирларда иштирок этиш учун ариза қабул қилиш бошланганини маълум қилганди. Барча хоҳловчилар ўз аризаларини 2017 йил 8 сентябридан кечиктирмай info@ictweek.uz электрон манзилига юборишлари мумкин. Аризада исм, отасининг исми ва фамилияни, ўқиш ёки иш жойини кўрсатиш, шунингдек, аввал кўнгилли сифатида оммавий тадбирларда қатнашиш бўйича тажриба ҳақида маълумот бериш ва алоқа учун рақамлар қолдириш талаб этилади. Батафсил маълумотни +998 95 144 04 40 телефон рақами орқали олиш мумкин.

ICTEXPO 2017 кўргазмасининг барча иштирокчилари шакллантирилди. Жорий йилда иштирокчилар томонидан биринчи марта икки павильон майдони қопланди. Кўргазмада Ўзбекистон, Россия, Хитой, Швейцария ва бошқа давлатлардан компаниялар қатнашади. Жорий йилда давлат ва хўжалик бошқаруви идоралари, шунингдек, ижро ҳокимияти органлари истисно тариқасида маҳаллий компаниялар билан АКТ соҳасида тўғридан-тўғри шартномалар имзолаш имкониятини қўлга киритишади. 

Шунингдек, Ҳафталик ташкилотчилари 20-21 сентябрь кунлари «Ўзэкспомарказ» МКМнинг ICTEXPO ҳамда ICTSUMMIT майдончалари ёнидаги анжуманлар залида бўлиб ўтадиган ICTFORUM 2017 эшитувчилари сифатида қатнашиш учун аризалар қабул қилишни давом эттиришмоқда. Бунинг учун ictweek.uz сайтида рўйхатдан ўтиш лозим.

Форумда маърузачи сифатида иштирок этишга аризаларни қабул қилиш якунланди. Форум дастури тез орада Ҳафталик сайтида, ахборот ресурслари ва тадбирнинг Facebook’даги шахсий саҳифасида эълон қилинади.

Ташкилий қўмита Ҳафталик тадбирларининг тасдиқланган ҳомийлари рўйхатини эълон қилди. АКТ Саммитининг асосий ҳомийсига Huawei компанияси, АКТ Форумнинг «Ахборот хавфсизлиги» ва «E-government Uzbekistan» секциялари ҳомийларига эса Softline ҳамда ZTE айланади. «АТ инфратузилма» секциясининг бош ҳомийси эса Microsoft бўлади.

Манба: kun.uz