Ободлик кўнгилдан бошланади.
Баҳорни бежизга ёшариш ва янгиланиш фасли деб аташмайди. У нафақат табиатни янгиланшишга ундайди, балки инсониятни ҳам ободлик қилишга, ҳашарга, ўз маконини тозалаш ва янгилаш ишларига бел боғлашга чорлайди. Баҳор келиши билан “Обод хонадон”, “Обод кўча”, “Обод маҳалла” дастурлари доирасида ҳар ким ўз ҳудудини гулзор, кўкаламзор қилишга шижоат кўрсатади.
“Навоий Дори-Дармон” акциядорлик жамияти ходимлари ҳам ташкилот ҳудудининг боғ қисми, йўл юзларини гул ва кўчатлар билан гўзаллаштириш ишларида жонбозлик кўрсатмоқда. Раҳбарият ташаббуси билан турли навдаги ранг-баранг гуллар келтирилиб ҳудуд атрофига экиш ишлари ташкил этилди. Апрел ойи бошларида кўп йиллик гул ва манзарали дарахт кўчатлари экиш ишлари ҳам режалаштирилган.
“Навоий Дори-Дармон” АЖ Ахборот хизмати