“Dori-Darmon” aksiyadorlik kompaniyasi hay’at yig’ilishi  Buxoro shahrida bo’lib o’tdi.

2024 yil 16 avgust kunida Buxoro shahrida “Dori-Darmon” Aksiyadorlik kompaniyasi boshqaruv raisi U.S.Salixbayeva rahbarligida  kompaniya va uning tarkibidagi jamiyatlarning 2024 yil birinchi yarim yillik yakuni bo’yicha navbatdagi hay’at yig’ilishi bo’lib o’tmoqda.

 “Navoiy Dori-Darmon” aksiyadorlik jamiyati direktori Gulom Orziyev ham ushbu yig’ilishda ishtirok etmoqda.

Hay’at yig’ilishida kompaniya va hududiy jamiyatlar rahbarlarining kun tartibidagi masalalari: kompaniya tizimidagi aksiyadorlik jamiyatlari va mas’uliyati cheklangan jamiyatlarida 2024 yilning birinchi yarim yillik yakuni bo’yicha tasdiqlangan biznes-reja ko’rsatkichlari bajarilishi to’g’risida, kompaniya tizimida tovar aylanmasining viloyatlar kesimidagi tahlili to’g’risida, markirovka tizimini joriy etish hamda GDP va GPP amaliyotlarini joriy etish  bo’yicha amalga oshirilayotgan ishlar to’g’risidagi masalalar yuzasidan hisobotlari eshitiladi.

Shuningdek, yig’ilishda, “Qashqadaryo Dori-Darmon” MCHJ va “Namangan Dori-Darmon” OAJlariga tayinlangan yangi rahbarlar Anvar Tojiyev va Shuhratbek Ro’ziboyev rahbariyatga tanishtirildi.

“Navoiy Dori-Darmon” AJ axborot xizmati