Навоий вилоятида фармацевтика соҳасида амалга оширилаётган лойиҳалар аҳволи ўрганилди.

Давлат раҳбари томонидан жорий йилнинг 23 май куни ўтказилган йиғилишда берилган топшириққа мувофиқ, Бош прокурорнинг биринчи ўринбосари Б.Валиев раҳбарлигидаги ишчи гуруҳи томонидан Навоий вилоятида фармацевтика соҳасида амалга оширилаётган лойиҳалар аҳволи ўрганилди.

Хусусан, Навоий шаҳридаги “Навоий дори-дармон” АЖ биносида вилоятда фармацевтика соҳасида инвестиция лойиҳаларини амалга ошираётган 7 та ташаббускорлар билан очиқ мулоқот ўтказилди.

Тадбирда ташаббускорлардан келиб тушган 6 та муаммоли масалалар мутасадди идора вакиллари иштирокида муҳокама қилинди ва муаммоларни бартараф этиш юзасидан масъулларга тегишли топшириқлар берилиб, ижроси алоҳида назоратга олинди.

Шунингдек, Навоий шаҳар марказий шифохонасида Туркиялик хорижий инвесторлар билан ҳамкорликда ташкил этилган қон таҳлилларини ўтказиш лабораторияси билан танишилиб, ушбу тоифадаги лабораторияларни Республиканинг бошқа ҳудудларида ҳам Давлат хусусий шерикчилик асосида ташкил этиш юзасидан таклифлар ишлаб чиқилди.

Топшириқ ижроси юзасидан назорат тадбирлари давом эттирилмоқда.

                                                                                                                                                                                 Манба